AfriForum is tans op soek na 'n dinamiese en ervare Mediaverhoudinge-en-inhoudskoördineerder. Die pos is gebaseer by AfriForum se hoofkantoor.
Die Mediaverhoudinge-en-inhoudskoördineerder sal primêr fokus op die samewerking met sleutelmediapersone, ontwikkeling en uitbou van 'n sterk mediaprofiel vir doeltreffende publisiteit en kommunikasie. Die rol vereis die skep van geïntegreerde strategieë en die bestuur van mediaverhoudinge om organisatoriese doelwitte te bereik en 'n positiewe impak in die gemeenskap te maak.
Die suksesvolle kandidaat sal die volgende kernverantwoordelikhede hê:
- Ontwikkeling en instandhouding van planne wat bydra tot die groei en uitbreiding van AfriForum se mediadekking.
- Ondersteuning van personeel in die verskaffing van inhoud, die opstel van mediaverklarings, identifisering van mediageleenthede, en die bepaling van strategieë vir mediaposisionering.
- Die verkryging van innoverende mediageleenthede en bou van verhoudings met plaaslike en nasionale media.
- Samewerking en ondersteuning van inisiatiewe as primêre voertuie vir media.
- Ontwikkeling van mediaverhoudingsstrategieë wat as bloudruk sal dien vir toekomstige kommunikasieveldtogte.
Die ideale kandidaat vir die pos is 'n persoon met:
- 'n Kommunikasie- of Joernalistiekgraad en minstens vyf jaar ervaring in mediaverhoudinge of 'n verwante veld.
- Sterk skriftelike en mondelinge kommunikasievaardighede in Afrikaans en Engels.
- Uitstekende menseverhoudinge en netwerkvaardighede.
- Vermoë om doeltreffend te werk in 'n vinnig veranderende omgewing.
As jy 'n passie daarvoor het om sterk mediaverhoudinge te bou en energie daaruit put om hoë gehalte kommunikasieplanne te skep, moedig ons jou aan om vir hierdie pos aansoek te doen.
Aansoeke moet voor of op 6 Oktober 2024 ingedien word.
Indien jy nie binne drie weke ná die sluitingsdatum terugvoer ontvang nie, kan jy aanvaar dat jou aansoek onsuksesvol was.